Txapetan olgetan eben treneko billeteakaz. Txapa bat topau eta lar lodia bazan, trenari ipinten eutsien zapaldu eian, txapea lotu eiten luzeago eta finduta. Horreek detaileak oso markauta lotu jakoz lekukoari; euren dibertigarriak ziran.
Eta gero, trenean etorten zan jenteari billetea eskatzen eutsien; ezpabere, ezin eben olgau. Billetea ez eukanak ez eban olgetan txapetan. Irabazi ezkero, billete asko eukiten ziran; besteak danak trenera karraka ea zeinek billetea emon, hurrengo egunerako eukiteko. Billetea dirua izatea lez izaten zan; txapetan irabazten ebanak billetea irabazten eban. Eskolara dozena erdi billetegaz joaten zana ugazaba zan; ze baeukan nogaz olgau. Ezer ez eukanak begira egon behar!
Barriemoileak: Miren Ormaetxea eta Angel Aurre
Erakundeak: Zamudioko Udala eta Labayru Fundazioa