Errekea oso aberatsa zan. Han amuarraina, kangrejue, kaskailua, aingirak... egoten ziran. Arrainak amura inketan ziran. Errekea husten zanean, lokatz artean be igual gelditzen ziran, eta pasetan ikusten ebezan. Gaztetan herejiak egiten ebezan. Hareen txapoteue! Gauetan ura gastetan zanean, ur gitxi geratzen zan presearen barruan, eta goizean lehenengo orduan, egunsentian, joaten bazina, ikusten ziran han ur gitxian amuarrainak, kaskailuak eta kangrejuak ibilten; uretatik kanpora urteten. Inurriak ilaran ibilten diran moduan ibilten ziran, haretara anteparan. Telebisinoan ikusten da itsasora arrainetan joaten diranak sarea altzetan dabenean, arrainak pla! pla! pla pla! zelan dabilzan; haxe irudia dauka gogoan. Baldea sartu, hiru-lau hartu eta etxera joaten ziran. Arrainok jateko ziran danak.
Barriemoilea: Jose Mari Maiztegi
Erakundeak: Labayru Fundazioa eta Berrizko udala
