Herri ondarea

Lehen be Santiago eta Santa Ana egunak ospatzen ziran. Mezea hamaiketan izaten zan, jeneralean. Etxean bazkaria egiten zan eta konbidaduak asko egoten ziran. Familiakoak izaten ziran, osaba-izekoak, lehengusuak... Danak etorten ez baziran, huts itzela! Bazkalostean jentea nasai egon eitean, morrozkoak-eta- ira berdea botaten zan, eta han etxun. Ateak be inoiz kendu dabez, eta gurdien kartolak ipini. Kortako zesto handi biren gainean kartolak ipinita jarlekua egiten zan, ilaratan. Menua garbantzua, arroza eta gisadua izaten zan. Gero arrozkoletxe jaten eben. Fuenteak luzeak izaten ziran eta kaxan ipinten ebezan katuek-eta jan ez egien bezperan. Tapeari artaburuak ipinten eutsiezan. Lekukoak-eta tapea altzau eta atzamarra sartzen eben probetako.