• 2010
  • BUSTURIA
Atzera

Urtebarri eta Apalazio

 

Urtebarri batzen joaten ziran etxerik etxe. Kantau egiten eben:

"Urtebarri barri,

emoten ez dauena txarri-belarri,

Urtebarri kari-kari,

daukanak ez daukanari,

nik ez daukat eta zuk niri emotea sari,

intxurtxu bi hiru gaztaina",

Mari Montaña, akillando makillando,

Urtebarri callando.

Poltsatxuakaz-eta joaten ziran; intxaurtxuakaz eta gaztainakaz. Diru gitxi emoten eben; gozo-gauzak eta halakoak. Gero, jeneralean, handitxuagoak etorten ziranean, dirua-edo hainbako zera emoten jaken. Umeak pozik; dirua gura izaten eben hareek.

Urtebarri egunaren ostean Apalazio be kantetan eben.

"Apalazio zalduna,

hiru erregeen eguna,

zotzak eta paluak,

estudianteen kontuak,

sasirik sasi,

asko jan eta gitxi ikasi".

 

Barriemoilea: Engrazia Iturbe

Erakundea: Busturiko Udala

Erlazionatutako Bideoak